اترپردیش کے ضلع بہرائچ کے درگاہ شریف کے محلہ سارال گنج باشندہ ایک معذور شخص کے پتھری کے آپریشن کے دوران پیٹ میں پرائیویٹ نرسنگ ہوم کے ڈاکٹروں نے تولیہ چھوڑ دیا تھا۔ لکھنؤ میں دوبارہ آپریشن کرانے پر بات سامنے آئی۔
متاثر کے بھائی کی تحریر پر پولیس نے ڈاکٹر و ملازمین کے خلاف مقدمہ درج کر لیا ہے۔ حالانکہ اسپتال انتظامیہ نے الزامات کو بے بنیاد بتایا ہے۔
پولیس ذرائع کے مطابق تھانہ درگاہ شریف علاقے کے محلہ سالار گنج باشندہ پرمود شریواستو دونوں پیروں سے معذور ہیں۔ ان کو تقریبا دس دن قبل پیٹ میں پتھری کا درد ہونے پر ایک پرائیویٹ نرسنگ ہوم میں داخل کرایا گیا تھا۔
ان کے بھائی وشال سریواستو کا الزام ہے کہ اسپتال میں آپریشن کے لئے ان سے دو لاکھ روپئے کا مطالبہ کیا تھا۔ مگر وہ 25ہزار روپئے ہی دے پائے تھے۔ جس کے بعد جلدی جلدی میں آپریشن کر کے ٹانکا لگادیا۔
یہ بھی پڑھیے
تریپورہ میں قبائلی لڑکی کے ساتھ تشدد، ملزم فرار
لکھنؤ کے ایک اسپتال میں دوبارہ آپریشن کرانے پر پیٹ سے تولیہ برآمد ہوا ہے۔ پولیس نے کہا کہ ڈاکٹر سرویش شکلا و کچھ ملازمین کے خلاف مقدمہ درج کرلیا گیا ہے۔
پولیس معاملے کی جانچ کی جارہی ہے۔
