ٹیکس کی فائلوں کو لے کر ہوئے تنازعہ کے بعد میونسپل اہلکاروں نے جم کر ہنگامہ کیا۔ وہیں وکلاء نے بھی کھل کر تسلط دکھایا اور کارپوریشن چئیرمین کے کمرے میں داخل ہو کر وہاں موجود میونسپل ملازمین سے بدسلوکی بھی کی۔
کافی مشقت کے بعد پولیس نے وکلاء کو کارپوریشن کے احاطے سے باہر لے جانے میں کامیابی حاصل کی، مشتعل میونسپل ملازمین نے کچرا گاڑیاں، ٹریکٹر ٹرالی کو سڑک پر لا کر کچہری روڈ کو جام کر دیا۔
بہرائچ: وکیل نے میونسپل ٹیکس افسر کو تھپڑ مارا
جس کے بعد کارپوریشن کے صفائی و دگر ملازمین، وکلاء کی اس حرکت پر سخت کارروائی کے لیے سڑک پر بیٹھ کر احتجاج کرنے لگے۔
اس واقعے کی کوریج کے لیے جب صحافی مذکورہ مقام پہنچے تو وکلاء نے ان صحافیوں سے بھی بدسلوکی کی جس کے سبب صحافیوں میں بھی غصہ پایا گیا، معاملے کو پرسکون کرنے کے لیے ضلع کے اعلیٰ افسران دونوں فریقین سے گفتگو کر رہے ہیں۔
