ریاست اتر پردیش کے ضلع میرٹھ کے رہنے والے ازمان کا بچپن شہر کے پچھڑے علاقے کی ان تنگ گلیوں میں گزرا ہے جہاں گھر چلانے کے لیے تعلیم سے زیادہ کاروبار اور روزگار کے لیے کام کرنے کو ترجیح دی جاتی تھی، لیکن مشکل حالات کے باوجود ازمان کے والد نے تعلیم کی اہمیت سمجھتے ہوئے اپنے بچوں کو دکان پر بٹھانے سے زیادہ اسکول بھیجنے کو ترجیح دی۔
ازمان نے بھی تعلیم کو اپنا مقصد بنا کر اسکولی تعلیم سے لیکر اعلیٰ تعلیم کے شعبہ میں شاندار کامیابی حاصل کی اور ملازمت میں رہتے ہوئے نہ صرف تعلیم حاصل کی بلکہ مقابلہ جاتی امتحان میں کامیابی حاصل کرتے رہے۔
پی جی کامرس میں گولڈ میڈل حاصل کرنے کے علاوہ نیٹ اور جے آر ایف میں بھی کامیابی حاصل کی اور اب تعلیم کے شعبہ میں خدمات انجام دیتے ہوئے آگے کی تیاریوں میں مصروف ہیں۔
میرٹھ کے پسماندہ علاقے کی ان تنگ گلیوں سے نکل کر آعلیٰ تعلیم حاصل کر اور تعلیم کے شعبہ میں اپنی خدمت انجام دے رہے ازمان نے ثابت کر دیا ہے کہ حالات چاہے جیسے بھی ہوں لیکن ان مشکل حالات سے گزر کر اپنے مقصد كو پا لینا ہی اصل کامیابی ہے۔
