Rampur by-election Lok Sabha: اعظم خاں نے عاصم راجہ کو رامپور سے امیدوار بنایا

رامپور لوک سبھا ضمنی انتخاب کے لیے اعظم خان نے اپنی اہلیہ تزئین فاطمہ کی جگہ پارٹی کے شہر صدر عاصم راجہ کو لوک سبھا انتخاب کا امیدوار بنایا ہے۔ اعظم خان نے ان کے نام کا اعلان لوگوں کے درمیان کیا Samajwadi Party Names Azam Khan Aide Asim Raja For Rampur Bypoll۔

رامپور: ریاست اترپردیش کے رامپور میں 23 جون کو ہونے والے لوک سبھا کے ضمنی انتخاب کے لئے سماجوادی پارٹی کی جانب سے اعظم خاں نے سماجوادی پارٹی شہر کے صدر عاصم راجہ کو امیدوار بنانے کا اعلان کیا ہے۔ اس سے پہلے پرچہ نامزدگی اعظم خاں کی اہلیہ ڈاکٹر تزئین فاطمہ کے لیے گیا تھا، جس سے یہ بات عام ہو گئی تھی کہ اعظم خاں کی اہلیہ رامپور ضمنی انتخاب میں امیدوار ہوں گی Asim Raja Declared SP Candidate For Rampur Bypoll۔

23 جون کو رامپور میں منعقد ہونے والے لوک سبھا کے ضمنی انتخاب کے لئے سماجوادی پارٹی رہنماء اعظم خاں Azam Khan نے پارٹی کے بہت پرانے کارکن اور پارٹی شہر صدر عاصم راجہ Asim Raza کے نام کا اعلان کرکے سب کو چونکا دیا۔ اس سے پہلے ابھی تک اس بات کی چرچہ عام تھی کہ اعظم خاں کی اہلیہ ڈاکٹر تزئین فاطمہ ہی لوک سبھا امیدوار ہوں گی۔

اعظم خاں نے عاصم راجہ کے نام کا اعلان کرتے ہوئے کہا کہ آپ لوگ سمجھ رہے ہوں گے کہ میں پھر سے اپنی اہلیہ کو چناؤ لڑاؤں گا لیکن میری رائے ہے کہ عاصم راجہ لوک سبھا کے امیدوار ہوں۔ اعظم خاں نے عاصم راجہ سے متعلق بتاتے ہوئے کہا کہ عاصم راجہ بہت لمبے عرصے کے سیاسی تجربہ کار ہیں۔ انہوں نے کہا کہ وہ بہت ہی فعال اور محنتی شخصیت ہیں۔ ہمارے ہر سکھ دکھ میں وہ ہر طرح سے پیش پیش رہے ہیں۔

پروگرام سے خطاب کرتے ہوئے عاصم راجہ ۔۔۔۔ ساتھ میں موجود ہیں اعظم خان

وہیں امیدوار بنائے جانے پر عاصم راجہ نے کہا کہ ان کے قائد اعظم خاں نے جس طرح سے ان پر اعتماد کیا ہے، وہ پوری محنت کے ساتھ کھرا ان کی امیدوں پر اترنے کی کوشش کریں گے۔ انہوں نے کہا کہ قائد کا ہر فیصلہ شروع سے ہی سر آنکھوں پر رہا ہے۔ کلیکٹریٹ پہنچ کر عاصم راجہ نے پرچہ نامزدگی داخل کیا۔ ادھر دوسری جانب حکمراں جماعت بی جے پی نے سابق ایم ایل سی گھنشیام لودھی کو لوک سبھا کا امیدوار بنایا ہے۔

قابل ذکر ہے کہ گھنشیام لودھی کافی لمبے عرصہ سے سماجوادی پارٹی میں شامل تھے۔ پارٹی مخالف سرگرمیوں کی وجہ سے ایس پی نے ان کو باہر کا راستہ دکھا دیا تھا۔ دراصل ایس پی کے ایم ایل سی رہتے ہوئے ان کی رہائش گاہ پر بی جے پی رہنماؤں کا اٹھنا بیٹھنا بڑھ گیا تھا ساتھ ہی انہوں نے ایس پی پر جانب داری کے بھی الزامات عائد کئے تھے۔ یہی وجہ ہے انہوں نے جنوری 2022 میں بی جے پی میں باقاعدہ طور پر شمولیت اختیار کر لی۔ اب بی جے پی نے ان پر مکمل اعتماد کرتے ہوئے لوک سبھا کا امیدوار بنایا ہے۔

وہیں انڈین نیشن کانگریس پارٹی نے ضمنی انتخاب میں اپنا امیدوار نہیں اتارنے کا فیصلہ کیا ہے۔ تو اس طرح سے رامپور میں اب صرف بی جے پی اور سماجوادی پارٹی کے درمیان ہی مقابلہ رہ گیا ہے۔ پرچہ نامزدگی کی آج آخری تاریخ ہے۔ دونوں ہی امیدواروں نے اپنا پرچہ داخل کر دیا ہے۔ اب دیکھنا ہوگا کہ 23 جون کو ہونے والے ضمنی چناؤ میں رامپور کے عوام کس کو اپنا نمائندہ بناکر لوک سبھا بھیجیں گے۔