سماجوادی پارٹی کے رکن پارلیمان اعظم خان، اہلیہ ممبر اسمبلی ڈاکٹر تزئین فاطمہ اور بیٹے عبداللہ اعظم ابھی ابھی رامپور پہنچے۔ ان کو سیتاپور جیل سے رامپور کورٹ لایا گیا ہے،،
رکن پارلیمان اعظم خاں اور اہلیہ ممبر اسمبلی تزئین فاطمہ کو ان کے پارلیمانی عہدے کا خیال رکھتے ہوئے پولیس خصوصی جیپ سے لایا گیا جبکہ بیٹے عبداللہ اعظم کو عام قیدیوں والی چالی گاڑی سے لایا گیا۔
واضح رہے کہ عبداللہ اعظم کی ایم ایل اے رکنیت ختم کر دی گئی ہے۔
اعظم خاں اور ان کے کنبہ کو ایک دن رامپور میں رکھا گیا تھا اس کے بعد سکیورٹی میں رخنہ کے مدنظر اگلے دن سیتاپور جیل منتقلی کر دی گئی تھی۔
منتقلی کے معاملے پر اعظم خاں کے دفاعی وکیل خلیل اللہ خاں نے اعتراض ظاہر کرتے ہوئے منتقلی کے عمل کے خلاف کورٹ میں درخواست کی تھی۔ جس پر سماعت کرتے ہوئے رامپور کی اے ڈی جے 6 کورٹ نے رامپور کی جیل انتظامیہ اور اسٹیٹ کاؤنسل کو جواب داخل کرنے کے ساتھ ہی بحت کے لئے عدالت میں طلب کیا ہے۔
وہیں سیتاپور جیل میں قید اعظم خاں، اہلیہ تزئین فاطمہ اور بیٹے عبداللہ کو بھی بحث کے لئے رامپور کورٹ میں پیش کرنے کا حکم دیا ہے۔
مرادآباد کے ممبر پارلیمنٹ ڈاکٹر ایس ٹی حسن سمیت بڑی تعداد میں اعظم خاں کے حامی بھی کورٹ کے ارد گرد جمع ہونا شروع ہوگئے ہیں۔
