ابھی لوگوں میں کورونا کا قہر جاری ہی تھا کہ اسی دوران ڈینگو اور ملیریا نے بھی اپنے پنجے گاڑنے شروع کر دیئے ہیں۔خاص کر گوتم بدھ نگر کے دیہی علاقوں میں اس کے اثرات مرتب ہونے لگے ہیں۔ایسے میں مقامی انتظامیہ ضلع کے تمام رہائشیوں کو کورونا وائرس انفیکشن اور ویکٹر سے ہونے والی بیماریوں سے محفوظ رکھنے کے لئے مختلف وسائل کے ذریعہ وسیع پیمانے پر آگاہی پروگرام چلا رہی ہے۔
ڈسٹرکٹ پنچایت راج آفیسر کنور سنگھ یادو اور ان کی محکمہ جاتی صفائی ٹیم کے ذریعہ بلاک دادری کے تحت گرام پنچایت بھوگ پور میں گاوں کے لوگوں کو بیدار اور باخبر رکھنے کے لئے وسیع پیمانے پر تشہیری عمل جاری رکھے ہوئے ہے۔
اس سلسلے میں چیف ڈویلپمنٹ آفیسر انل کمار سنگھ کا کہنا ہے کہ پنچایت راج محکمہ کے توسط سے ضلع کے تمام دیہی علاقوں میں یہ پروگرام باقاعدگی سے جاری ہے اور دیہی عوام کو آگاہ کرنے کے لئے کارروائی کی جارہی ہے، تاکہ دیہی علاقوں کے تمام شہریوں کو کورونا وائرس انفیکشن اور ویکٹر سے ہونے والی بیماریوں سے بچایا جاسکتا ہے۔