اتر پردیش میں ریاستی حکومت کی جانب سے ویکٹر بیماریوں سے تحفظ اور کورونا وائرس کے پھیلاوکو روکنے کے لئے یکم جولائی سے 31 جولائی 2021 تک ایک خصوصی مہم چلائی جارہی ہے۔
حکومت کے اس پرجوش پروگرام کو ضلع میں ضلعی مجسٹریٹ سہاس ایل وائی کی سربراہی میں تشکل دی جارہی ہے۔
اس سلسلے میں چیف میڈیکل آفیسر ڈاکٹر دیپک اوہری نے ان بیماریوں کے بارے میں شعور اور آگاہی پیدا کرنے کے مقصد سے کنٹرول مہم ریلی کو پرچم دکھا کر روانہ کیا۔
تاکہ زیادہ سے زیادہ لوگوں کو بیدار اور جانکاری دے کر تحفظ فراہم کیا جا سکے ۔
انہوں نے کہا کہ ویکٹر بیماریوں پر قابو پانے والی مہم کے تحت دیہی علاقوں میں لوگوں کو صفائی کے بارے میں آگاہی دی جائے گی اور جراثیم کش دواؤں کا بھی چھڑکاؤ کیا جائے گا۔
مزید پڑھیں: 'ویکٹر سے پیدا ہونے والی بیماریوں سے قبل احتیاط برتیں'
اس کے ساتھ ہی چیف میڈیکل آفیسر کے ذریعہ اپنے دفتر میں وکٹر بیماریوں کے خاتمے کی مہم سے متعلق حلف بھی لیا گیا۔
