سنبھل: اترپردیش کے ضلع سنبھل کے نکھاسا علاقے میں قتل کے ملزم کو گرفتار کرنے گئی پولیس ٹیم پر ملزم کے اہل خانہ نے حملہ کردیا جس میں تین پولیس اہلکار زخمی ہوگئے۔ سپرنٹنڈنٹ آف پولیس(ایس پی) چکریش مشرا نے بتایا کہ پولیس کی ایک ٹیم رضوان نامی شخص کو گرفتار کرنے دیپا سرائے علاقے میں گئی تھی جو کہ اقدام قتل کا ملزم ہے۔ جب پولیس ٹیم موقع پر پہنچی رضوان کے اہل خانہ نے ملزم کو پولیس کی گرفت سے بچانے کی کوشش کی اور اس کے نیتجے میں انہوں نے چھت سے پتھر بازی شروع کردیا۔ Six arrested for attacking police in Sambhal
اس حملے میں تین پولیس اہلکار زخمی ہوئے ہیں جنہیں علاج کے لئے اسپتال میں داخل کرایا گیا ہے۔ انہوں نے بتایا کہ اس ضمن میں 10 نامزد اور 15 نامعلوم افراد کے خلاف مقدمہ درج کیا گیا ہے۔ 6 افراد کو گرفتار کیا گیا ہے اور ان کے خلاف گینگسٹر ایکٹ اور غنڈہ ایکٹ کے تحت کاروائی کی جائے گی۔
یہ بھی پڑھیں: بدمعاش کو گرفتار کرنے آئی پولیس ٹیم پر حملہ
یو این آئی
