نوئیڈا: رائے دہندگان کو آگاہ کرنے کے مقصد سے اتر پردیش نوئیڈا کے ضلع الیکشن آفیسر اور ڈسٹرکٹ مجسٹریٹ سہاس ایل وائی District Magistrate Sahas L.Y کی ہدایت پر ضلع کے دیہی علاقوں میں وسیع پیمانے پر تشہیر کی جارہی ہے۔
دادری بلاک کے گرام سبھا گھنواس میں بیداری ٹیم کی طرف سے وسیع پیمانے پر تشہیر کر کے رائے دہندگان کو آگاہ اور بیدار کرنے کے لیے ضلع افسر کے پروگرام انچارج افسر اور چیف ڈیولپمنٹ آفیسر انیل کمار سنگھ، اسسٹنٹ آفیسر انچارج اور ضلع سماجی بہبود افسر شیلیندر بہادر سنگھ اور ان کی ٹیم کے افسران اور ملازمین مصروف عمل ہیں۔
یہ بھی پڑھیں: Training For Right Way To Vote: مرادآباد میں رائے دہندگان کو ووٹ ڈالنے کی تربیت دی گئی
محکمہ پنچایت کی بیداری ٹیم کے ذریعہ مہم چلا کر جمہوریت کے تہوار کو کامیاب بنانے کے لئے گاؤں سطح پر زیادہ سے زیادہ ووٹنگ میں حصہ لینے کی اپیل کی جا رہی ہے۔
اس تناظر میں آگاہی ٹیم نے آج دادری بلاک کے گھنواس گاؤں کے لوگوں کو بیداری کیا۔ آگاہی ٹیم شہریوں کو ووٹر بیداری کے ساتھ ساتھ کووڈ-19 پروٹوکال پر عمل کرنے کا بھی مشورہ دے رہی ہے۔
