بند فیکٹری میں کروڑ روپے مالیت کے غیر قانونی گوشت کی برآمدگی کے الزام میں اترپردیش کے سابق وزیر یعقوب قریشی اور ان کے کنبے کے اراکین کے خلاف گرفتاری وارنٹ جاری کردیا گیا ہے۔ لیکن وہ ابھی پولیس کی گرفت سے باہر ہیں۔ سابق وزیر کی گرفتاری کے لیے پولیس کی کئی ٹیمیں دن رات دبش دے رہی ہیں، لیکن ابھی تک وہ پولیس کے ہاتھ نہیں لگے ہیں۔ وہیں میرٹھ ڈیولپمنٹ اتھارٹی کے ذریعہ قریشی کی فیکٹری اور رہائش گاہ کو منہدم کرنے کے لیے نوٹس چسپاں کردیا گیا ہے۔ Arrest warrant issued against former minister Yaqub Qureshi
سینئر سپرنٹنڈنٹ آف پولیس پربھاکر چودھری نے آج بتایا کہ عدالت سے گرفتاری وارنٹ ملتے ہی ایڈیشنل سپرنٹنڈنٹ آف پولیس، چار ڈپٹی سپرنٹنڈنٹ آف پولیس اور تھانوں کی پولیس کی ٹیم تشکیل دی گئی ہے۔ یہ ٹیم یعقوب قریشی، ان کی بیوی سنجیدہ بیگم، دونوں بیٹے عمران اور فیروز کی تلاش میں مشغول ہے۔ انہوں نے بتایا کہ تمام مفرور ملزمین پر شکنجہ کسنے کے لیے میٹ فیکٹری اور ان کی رہائش گاہ کی قرقی کی تیاری بھی کرلی گئی ہے۔
قابل ذکر ہے کہ میرٹھ۔ہاپوڑ روڈ پر واقع کھرکھود کے علی پور گاؤں میں الفہیم میٹی پرائیویٹ لمیٹیڈ پر پولیس اور انتظامیہ کی ایک ٹیم نے ممنوعہ مویشی کاٹنے کی خبر پر گذشتہ 30 مارچ دیر رات چھاپہ ماری کی تھی۔ جس میں پولیس نے فیکٹری سے 2460 کوئنٹل گوشت برآمد کیا تھا، جس کی قیمت تقریباً پانچ کروڑ روپے بتائی گئی تھی۔
یو این آئی
