سہارنپور کے دیوبند علاقہ میں بدمعاش دن کے وقت چار لاکھ روپئے رانا گیس ایجنسی سے لوٹ کر فرار ہوگئے۔
ریاست کے سابق وزیر آنجہانی راجندر سنگھ رانا کی گیس ایجنسی کے منیجر اور ملازم کو بندوق سے ڈرا کر 4لاکھ 15ہزار روپئے لے کر وہ فرار ہوگئے۔ اس واردات کے بعد انتظامیہ میں افراتفری مچ گئی۔
اطلاع ملتے ہی ایس پی دیہات کرائم برانچ اور پولیس فورس کے ساتھ موقع واردات پر پہنچے اور گیس ایجنسی کے ملازمین سے لوٹ کے سلسلہ میں تفصیلی معلومات حاصل کی ۔
موصولہ اطلاع کے مطابق سہارنپور مظفر نگر اسٹیٹ ہائی وے پر واقع سابق ریاستی وزیر راجندر سنگھ رانا کی گیس ایجنسی کا منیجر محلہ کائستھواڑہ کے رہنے والا آشو اور دیوبند کے قریبی گاﺅں گوپالی کا رہنے والا ریاست ایجنسی پر جمع ہوئے 4لاکھ 15ہزار روئے لے کر شہر کے ریلوے روڑ پر واقع ایک بینک میں جمع کرانے جارہے تھے۔
محلہ سینی سرائے کے سامنے جام ہونے کے سبب وہ اسٹیٹ ہائی وے سے لگی ایک گلی سے نکلنے لگے ، اسی دوران پیچھے سے آئے بدمعاشوں نے ان کی موٹرسائکل کو اَور ٹیک کرتے ہوئے دونوں کو نیچے اُتارا اورفوراًطمچہ دکھا کر 4لاکھ 15ہزار روپئے لوٹ لئے۔
تھانہ انچارج وائی ڈی شرما زبردست پولیس فورس کے ساتھ موقع پر پہنچے اور بدمعاشوں کی تلاش میں گھنٹوں چیکنگ مہم چلائی۔
پولیس کی ٹیم ایجنسی کے منیجر اور دیگر ملازمین سے معلومات حاصل کررہی ہے،۔
اس سلسلہ میں ایس پی دیہات ودیا ساگر مشر نے بتایا کہ تحریر کی بنیاد پر معاملہ کی تحقیق کی جارہی ہے اور جلد ہی معاملہ کا انکشاف کرکے بعد معاشوں کے خلاف کارروائی کی جائے گی۔
دوسری جانب لوٹ کی اطلاع ملتے ہی آنجھانی راجندر سنگھ رانا کے بیٹے کارتکیہ رانا ، بھائی ارون رانا، سکھ پال رانا وغیرہ گیس ایجنسی پہنچے اور سبھی ملازمین کو جمع کرکے معاملہ کی معلومات حاصل کی۔
اس دوران انہوں نے ایجنسی کے سبھی ملازمین کے موبائل فون بھی ضبط کرلئے ہیں۔
اس سلسلہ میں کارتکیہ رانا نے بتایا کہ انہوں نے ایس ایس پی سہارنپور دنیش کمار سے بذریعہ فون گفتگو کی اور پورے معاملہ سے آگاہ کیا۔
