26 جنوری کو دہلی کے لال قلعہ پر منعقد ہونے والی یوم جمہوریہ کی تقریب میں شامل ہونے کے لئے رامپور کی ہونہار طالبہ عریشہ خان بھی سرکاری مہمان کے طور پر دہلی جائیں گی۔
دراصل لال قلعہ پر منعقد ہونے والی وزیر اعظم کی یوم جمہوریہ کی تقریب میں ملک کی دیگر معزز شخصیات کے ساتھ ہی بہترین کارکردگی پیش کرنے والے ملک بھر کے ہونہار طلبہ و طالبات کو بھی مدعو کیا جاتا ہے۔
رامپور کی عریشہ خان بھی وہ ہونہار طالبہ ہیں جنہوں نے 2020 کے 10 ویں جماعت کے امتحانات میں ضلع ٹاپ کیا تھا۔ یہی وجہ ہے کہ حکومت کی جانب سے عریشہ خان کو اس مرتبہ کی یوم جمہوریہ تقریب میں خصوصی طور پر مدعو کیا گیا۔ عریشہ خان یوم جمہوریہ کی تقریب میں شرکت کرنے کے لئے کافی پرجوش ہیں ہم نے خصوصی بات چیت کرکے ان کے احساسات کو جاننے کی کوشش کی۔
مزید پڑھیں:
بنارس: محکمہ صحت نے بیٹیوں کی پیدائش پر جشن منایا
ای ٹی وی بھارت سے بات کرتے ہوئے انہوں نے بتایا کہ وہ کافی خوش ہیں کہ ان کو قومی تقریب میں شرکت کرنے کا موقع حاصل ہو رہا ہے۔ عریشہ خان نے کہا کہ وہ ایک طالب علم ہیں وہ وہاں پہنچ کر دیگر طلبہ کے مسائل کی جانب بھی اپنے طور پر حکومت متوجہ کرنے کوشش کریں گی۔
