اس بابت ضلع کانگریس کمیٹی نے ضلع انتظامیہ سے ملاقات کرکے تمام اسکوں میں بچوں کو سوئیٹر تقسیم کیے جانے کا مطالبہ کیا۔ اہم بات یہ ہے جن اسکوں میں طلباء کو سوئیٹر ملے ہیں وہ غیر معیاری ہونے کے سبب بچوں کو سردی سے نجات دلانے کے لیے ناکافی ہیں۔
بریلی میں کانگریس کے ضلع صدر کی قیادت میں کمیٹی نے ضلع انتظامیہ کو ایک میمورنڈم دیا، جس میں ضلع کے تمام ایسے اسکوں کا ذکر کیا ہے، جہاں نصف موسم سرما گزرنے کے باوجود بھی سوئیٹر تقسیم نہیں کیے گئے ہیں۔جن اسکولوں میں پہلے مرحلے میں طلبأ کو سوئیٹر مل چکے ہیں،وہ انھیں سردی سے نجات دلانے کے لیے ناکافی ہیں۔
غور طلب ہے کہ گزشتہ دنوں حکومت کے جانب سے منتخب ضلع انچارج پرنسپل سیکریٹری نونیت سہگل نے ضلع بیسک تعلیم آفیسر سے اس معاملے میں جواب طلب کیا تھا۔
یہاں بتا دیں کہ ضلع کے ایسے تمام اسکول جہاں طلباء کو سوئیٹر اور جوتے تقسیم کر دیے گئے تھے، چند مہینے گزرنے کے بعد جوتے بھی خراب ہو گئے اور غیر معیاری سوئیٹر ان کے لیے بے سود رہے۔
ضلع کانگریس کمیٹی کے ضلع صدر اشفاق ثقلینی نے میمورنڈم کے ذریعے حکومت سے مطالبہ کیا ہے کہ محکمۂ تعلیم کے افسران نے صرف ایک سوسائٹی کو سوئیٹر تیار کرنے کا کانٹریکٹ دے دیا ہے، جس کی وجہ سے طلباء کو سوئیٹر ملنے میں تاخیر ہو رہی ہے۔
جبکہ یہ کام کسی خواتین کے کسی کام کازی گروپ کے سپرد کرنا چاہیئے یا پھر ٹھیکا دینا چاہیئے۔ جس سے کام میں شفافیت بھی برقرار رہے اور بچوں کو سردی سے نجات بھی مل سکے۔
