عالمی سطح پر تحقیق میں یہ پایا گیا ہے کہ کووڈ 19 سے جو مریض صحتیاب ہوگئے ہیں ان کا پلازمہ دیگر معاؤن طریقہ ہائے علاج کے ساتھ کووڈ 19 کے مریضوں کے لیے بہت کارگر ہے۔ پلازمہ عطیہ کرنے والے رضا کار کو صحت مند ہونا چاہیے، عمر 17 سال سے زیادہ ہونی چاہیے اور وزن اور قد کی مناسبت سے بدن میں خاطرخواہ خون موجود ہونا چاہیے۔
وائس چانسلر نے کہا جواہر لعل نہرو میڈیکل کالج و اسپتال میں صحت عملہ دن رات کام کر رہا ہے اور متاثرہ مریضوں کا تندہی کے ساتھ علاج کیا جا رہا ہے۔ اس کے مریضوں کی طبی نگہداشت کے لیے ایل 2 اسپتال قرار دیا ہے۔ جہاں ابھی تک چالیس ہزار سے زیادہ کورونا نمونوں کی جانچ ہو چکی ہے۔
جواہر لعل نہرو میڈیکل کالج کے ریسیڈنٹ ڈاکٹر ایسوسی ایشن کے صدر ڈاکٹر حمزہ ملک نے خصوصی گفتگو میں بتایا کہ 29 لاکھ کی پلازمہ کو کون سے الگ کرنے کی مشین منگائی ہے جو بہت ہی زیادہ راحت کی بات ہے خاص کر علی گڑھ کے کورونا متاثرین اور دو تین ضلع جو جے این ایم سی پر انحصار کرتے ہیں تو یہ سب مریضوں کے لیے راحت بھری خبر ہے۔ آر ڈی اے، جے این ایم سی وائس چانسلر کے اس قدم کا خیر مقدم کرتا ہے۔
ڈاکٹر حمزہ نے مزید کہا حکومت کو ایک پروگرام چلانا چاہیے جس میں کورونا سے جو مریض صحتیاب ہو چکے ہیں وہ اپنا پلازمہ عطیہ کریں۔
آر ڈی اے کے نائب صدر ڈاکٹر شہنواز اقبالی نے بتایا دہلی میں پلازہ عطیہ سے کافی فائدہ ہو رہا ہے جبکہ ایک آنٹی باڈی بننے میں ایک کورونا مثبت میں کافی وقت لگتا ہے۔
اور اگر وہ مریض ٹھیک ہوجائے تو اینٹی باڈی نکال کر اگر ہم مثبت مریض میں ڈالتے ہیں تو اینٹی باڈی فورا کام کرنے لگتی ہے جس سے کورونا سے لڑنے کے لیے کافی مدد ملتی ہے۔
