اے ایم یو کے وائس چانسلر پروفیسر طارق منصور نے فیکلٹی ممبران طلبہ اور شہریوں کو عیدالاضحیٰ کے موقع پر مبارکباد پیش کرتے ہوئے کہا کہ 'میری خواہش ہے کہ اے ایم یو برادری اور ملک کے شہریوں کو صحت اور خوشحالی نصیب ہو۔ اللہ پاک آپ کی تمام قربانیوں کو قبول کرے اور خوشی اور کامیاببیوں سے بھر پور زندگی کا اجر دے۔'
پروفیسر طارق منصور نے کہا کہ تمام متعلقہ افراد سے گزارش ہے کہ کورونا گائیڈا لائن پر سختی سے عمل کریں۔
ضلع علی گڑھ میں گزشتہ چار روز سے ہو رہی مستقل بارش سے چاروں طرف پانی بھرا ہوا ہے جس کے سبب عیدالاضحیٰ کے موقع پر لوگوں کو آنے جانے میں پریشانی کا سامنا کرنا پڑھ رہا ہے۔ علیگڑھ ضلع انتظامیہ کی جانب سے جاری حدایت کے مطابق ہی عیدالضحیٰ کی نماز مساجد میں ہی ادا کی گئی۔
یہ بھی پڑھیں: لکھنؤ: مولانا خالد رشید فرنگی محلی کی عوام سے اپیل
علیگڑھ ایس ایس پی کلانیدھی نیتھانی نے عیدالضحی تہوار کو بحفاظت اور خوش اسلوبی سے انجام دینے کے لئے
ضلع علیگڑھ کے حساس علاقوں میں خاصی تعداد میں پولیس فورس کو تیعنات کیا ہے۔ جس میں 50 انسپیکٹر، 250 سب انسپیکٹر، 350 چیف کانسٹیبل، 2000، خاتون کانسٹیبل 300، ریکروٹ کانسٹیبل 200، پی ایس سی 4 کمپنی، آر اے ایف 1 کمپنی شامل ہیں۔
