ویسٹ مینجمنٹ کے موضوع پر آن لائن فیکلٹی ڈیولپمنٹ پروگرام کے افتتاحی پروگرام سے خطاب کرتے ہوئے پروفیسر پرویز مستجاب (ڈین، فیکلٹی آف انجینئرنگ اینڈ ٹیکنالوجی) نے کہا کہ اسمارٹ شہروں کی فروغ میں ویسٹ منیجمنٹ کا بہت اہم رول ہے۔
انہوں نے کہا کہ 'شہری آبادی میں ہر روز کوڑے اور فاضل چیزوں کو جمع کرنا اور انہیں سائنسی طریقے سے ٹھکانے لگانا جس میں ماحولیات کو کوئی نقصان نہ پہنچے اور شہریوں کو بھی سہولیت ہو ایک بہت بڑا کام ہے۔ اس سلسلے میں مؤثر پالیسی کا ہونا ضروری ہے۔'
ڈاکٹر ذاکر حسین کالج آف انجینئرنگ اینڈ ٹیکنالوجی کے پرنسپل پروفیسر ایم ایم سفیان بیگ نے کہا کہ اے آئی سی ٹی ای ٹریننگ اینڈ لرننگ (اٹل) اکیڈمی کے تحت سول انجینئرنگ شعبہ کی جانب سے فیکلٹی ڈیولپمنٹ پروگرام کا انعقاد ایک قابل ستائش قدم ہے۔
انہوں نے انجینئرنگ کالج کی ترقیات پر بھی روشنی ڈالی۔
استقبالیہ خطبہ پیش کرتے ہوئے سول انجینئرنگ شعبہ کے سربراہ پروفیسر ڈاکٹر عبد الباقی نے کہا کہ ویسٹ مینجمنٹ میں پائیدار پالیسیوں کی ضرورت ہے۔ انہوں نے نئے ایم ٹیک کورسوں کا آغاز کرنے کے لیے وائس چانسلر کا شکریہ ادا بھی کیا۔
پروگرام کوآرڈینیٹر پروفیسر سہیل ایوب نے ماحولیات دوست ترقیاتی منصوبوں کے لیے فیکلٹی ڈیولپمنٹ پروگرام کی اہمیت بیان کی۔
کنوینر پروفیسر آئی ایچ فاروقی نے اظہار تشکر کیا جب کہ نظامت کے فرائض ایم معین الحق نے انجام دیے۔
مزید پڑھیں:
اے ایم یو کے دو ریسرچ اسکالرز کو آئی سی ایم آر کی سینیئر ریسرچ فیلو شپ
پروگرام میں آئی آئی ٹی روڈ کی، بنارس ہندو یونیورسٹی، جامعہ ملیہ اسلامیہ ٹیری اور اے ایم یو کے ریسورس پرسن الگ الگ موضوعات پر اظہار خیال کریں گے۔ اس میں مختلف اداروں اور یونیورسٹیوں سے 200 سے زیادہ افراد شرکت کر رہے ہیں۔
