بہار کے ضلع ارریہ سے تعلق رکھنے والے اشرف علی جو علی گڑھ مسلم یونیورسٹی کے سر سید ہال (ساوتھ) کی مشتاق منزل میں رہتے تھے، گزشتہ 23 فروری 2021 سے لاپتہ تھے۔
لاپتہ طالب علم اشرف علی کے بڑے بھائی ایاز احمد نے بتایا کہ میرے ایک رشتہ دار نے مجھے فون کر کے اطلاع دی کہ اشرف علی دہلی کی جامع مسجد کے قریب موجود ہے۔
جس کے بعد میں نے اے ایم یو پراکٹر کو اطلاع دی اور اس کے بعد علی گڑھ پولیس کے ساتھ ہم لوگ دہلی پہنچے۔ ہم آج صبح تقریباً سات بجے اپنے بھائی کو لے کر علی گڑھ پہنچے۔
ایاز احمد نے علی گڑھ مسلم یونیورسٹی کی انتظامیہ، طلبہ برادری، علیگڑھ انتظامیہ کے ساتھ میڈیا کا شکر ادا کرتے ہوئے کہا کہ ہم لوگ بھائی کے ملنے پر بہت خوش ہیں۔
مزید پڑھیں:
معروف شاعر ڈاکٹر تنویر گوہر سے خاص بات چیت
ساتھ ہی انہوں نے بتایا کہ اشرف فی الحال تھانہ سول لائن میں موجود ہے اور پولیس جلد ہی کاغذی کاروائی کے بعد اسے کو ہم لوگ کے حوالے کردے گی۔
