لاک ڈاؤن کے سبب اے ایم یو میں تقریباً پانچ ہزار طلباء پھنس گئے تھے جو اپنے اپنے رہائشی ہالز میں ہی رہنے کے لیے مجبور ہو گئے تھے لیکن حکومت اور اے ایم یو انتظامیہ کی جانب سے خصوصی ٹرین اور بسوں کے ذریعے انہیں گھر روانہ کیا جا رہا ہے۔
کشمیری طلباء کی خصوصی ٹرین سے روانگی، ویڈیو
گزشتہ شب علی گڑھ ریلوے اسٹیشن سے تقریباً 491 کشمیری طلبہ و طالبات خصوصی ٹرین سے ادھم پور کے لیے روانہ ہوئے۔
روانگی سے قبل تمام طلباء نے یونیورسٹی انتظامیہ کا شکریہ ادا کیا۔
اے ایم یو پراکٹر پروفیسر وسیم علی نے بتایا کہ 'ہم نے یونیورسٹی سے تقریباً 491 طلباء کو خصوصی ٹرین سے جموں و کشمیر روانہ کیا ہے۔'
انہوں نے کہا کہ 'ہم نے سبھی تیاری مکمل رکھی تھی اور اسکریننگ کر کے تمام طلباء کو گاڑیوں میں سوار کیا گیا۔'
پراکٹر پروفیسر وسیم علی نے مزید بتایا کہ 'یہ سبھی چیزیں یونیورسٹی کے رجسٹرار کی نگرانی میں ہوتی رہی۔'
