ریاست اترپردیش کے شہر نوئیڈا میں واقع امیٹی یونیورسٹی میں 11 سے 19 اکتوبر تک 'انوویشن ویک 2021 کا انعقاد کیا گیا۔ اس سلسلے میں "تحقیق کے اہم شعبوں میں فنڈنگ کے مواقع" کے موضوع پر ایک مباحثہ سیشن کا اہتمام کیا گیا۔
ملک کے سابق صدر ڈاکٹر اے پی جے عبدالکلام کی اعزاز میں ایمٹی یونیورسٹی کی ایمیٹی سائنس ٹیکنالوجی اور انوویشن فاؤنڈیشن، ایمٹی انوویشن اینڈ ڈیزائن سنٹر اور انسٹی ٹیوشنز انوویشن کونسل آف ایجوکیشن کے اشتراک سے 11 سے 19 اکتوبر تک "انوویشن ویک 2021 منعقد کیا گیا۔ اس بحث کے سیشن کی صدارت ڈاکٹر راجیو شرما نے کی۔
مزید پڑھیں :نوئیڈا: ضلع میں دستک اور خصوصی وبائی امراض کنٹرول مہم کی شروعات
اس موقع پر آئی سی ایم آر کے سربراہ اور سائنسداں ڈاکٹر مکیش کمار نے کہا کہ آئی سی ایم آر بائیو میڈیکل ریسرچ کی حوصلہ افزائی کرتا ہے۔ ملک میں مجموعی 27 بیماریوں پر مبنی خصوصی تحقیقی ادارے ہیں۔ صحت کی تحقیق کسی بھی ملک کی قومی ترجیحات میں ریڑھ کی ہڈی کی حیثیت رکھتی ہے۔
ڈاکٹر سنگیتا مہیش کستورے نے کہا کہ جدت اور صلاحیت کی ترقی کے لیے متعدد اسکیمز دستیاب ہیں۔ ڈاکٹر سنجیو ورشنے نے کہا کہ سائنس اور ٹیکنالوجی کا شعبہ پالیسی سازی اور ہدایات جاری کرتا ہے۔ سائنس اور ٹیکنالوجی کاروبار کی ترقی میں بھی تعاون کرتا ہے۔
