چونسٹھ سالہ امر سنگھ کا گردہ ٹرانسپلانٹ کیا گیا تھا اور وہ گزشتہ چھ ماہ سے سنگاپور میں زیر علاج تھے جہاں سنیچر کے روز ان کی موت ہوگئی۔
امر سنگھ کا جسد خاکی ایئرپورٹ سے دہلی میں واقع ان کے گھر چھترپور لائی گئی۔ راجیہ سبھا رکن پارلیمان سبھاش چندرا ان کے جسد خاکی کو ایئرپورٹ سے گھر تک ایمبولنس میں لے کر آئے۔ ان کی آخری رسومات پیر کو دوپہر بعد ادا کی جائے گی۔
امرسنگھ کے دوست اور ملائم سنگھ یادو کے بھائی شیوپال سنگھ یادو اور دیگر معزز شخصیتوں نے آنجہانی رہنما کے گھر جاکر ان کی جسد خاکی پر گلہائے عقیدت پیش کیے۔
