جس طرح کورونا وبا اور لاک ڈاؤن نے ایک بار پھر انسانی زندگی کو بری طرح سے متاثر کردیا تھا، جس میں سب سے زیادہ چھوٹے کاروباری مزدور طبقہ متاثر ہوا ہے جو ابھی تک اثرات سے نکل نہیں پایا ہے۔
کورونا وبا اور لاک ڈاؤن سے متاثرین کی ضروریات کو مدنظر رکھتے ہوئے امید پروجیکٹ کے تحت علی گڑھ ویلفیئر ایسوسی ایشن اور کرپٹو ریلیف کے زیر اہتمام ضرورت مندوں میں ایک ماہ کا مفت راشن تقسیم کیا گیا۔
اے ایم یو سرکل کے قریب اے ایم یو انتطامیہ کی اجازت سے ایک مفت راشن تقسیم کیمپ لگایا گیا، جس میں آدھار کارڈ کی بنا پر متاثرین، ضرورت مندوں میں ایک ماہ کا مفت راشن تقسیم کیا گیا۔
مفت راشن تقسیم کی خبر سن کر خاصی تعداد میں مرد اور خواتین راشن لینے پہنچے۔ مفت راشن لینے والوں نے خوشی کا اظہار کرتے ہوئے اللہ اور راشن تقسیم کرنے والوں کا شکر ادا کیا۔
ضرورت مندوں میں راشن تقسیم اے ایم یو طلبہ یونین کے سابق نائب صدر اور سماجی کارکن مازین حسین نے بتایا کہ جتنے لوگ لاک ڈاؤن اور کورونا وبا سے بری طرح متاثری ہوئے ہیں اور جو لوگ ضرورت مند ہیں، ان کو کم سے کم ایک ماہ کا راشن مفت دیا گیا۔ ساتھ ہی کچھ ضروری ادویات بھی فراہم کی گئی۔
مزید پڑھیں: دہلی: سماجی تنظیم نے ٹرانسجینڈرزمیں راشن تقسیم کیا
علی گڑھ ویلفیئر ایسوسی ایشن کے سیکریٹری کاشف خان نے بتایا ہم امید پروجیکٹ کے تحت علیگڑھ ویلفیئر ایسوسی ایشن اور کرپٹو ریلیف کے زیر اہتمام کورونا وبا اور لاک ڈاؤن سے متاثرین اور ضرورت مندوں میں ایک ماہ کا مفت راشن تقسیم کر رہے ہیں، جس میں بنیادی سبھی سامان ہے۔ ہمیں کل 1200 کٹ امید پروجیکٹ کے تحت علیگڑھ کرپٹو ریلیف کی جانب سے مہیہ کرائی گئی ہیں، جس میں 600 پہلے تقسیم کر چکے ہیں اور یہاں آج 300 کٹ تقسیم کرنے کا ادارہ ہے۔
