ریاست اترپردیش کے ضلع علی گڑھ تھانہ کے سار سول چوراہے کے قریب سندر زیورات کی دکان سے گزشتہ روز ہوئی لاکھوں کی لوٹ کے بعد آج ایڈیشنل ڈائریکٹر جنرل آف پولیس اجے آنند دکاندار سندر سے ملنے پہنچے، اس دوران انہوں نے معاملے کے جلد خلاصہ ہونے کی بات کہی۔
ذرائع کے مطابق گذشتہ روز دو موٹر سائیکل پر سوار تین شرپسندوں دکان پہنچے اور اسلحہ دکھاکر سندر زیور دکان سے سونا اور نقدی لوٹ کر فرار ہو گئے لوٹ کی رقم تقریبا 40 لاکھ سے زائد روپے کی بتائی جا رہی ہے۔
معاملے کی تحقیقات کے لئے ایس پی کرائم برانچ اور سٹی ایس پی کی سربراہی میں ایک ٹیم تشکیل دی گئی ہے جو دکان میں لگے سی سی ٹی وی کیمرہ فوٹیچ کی بنیاد ہر معاملے کی جانچ شروع کردی ہے، سندر زیور دکان کے مالک سندر نے بتایا کہ چار سال قبل بھی ایسے ہی واردات کو انجام دیا گیا تھا جس میں دکان سے 5 لاکھ روپے کی لوٹ ہوئی تھی جس کا خلاصہ اب تب نہیں ہو پایا ہے ۔
واردات کا جائزہ لینے ایڈیشنل ڈائریکٹریٹ آف پولیس اجے آنند، آج سندر زیورات کے مالک اور چشم دید گواہ اندر کمار سے ملاقات کی اور جلد ہی ڈکیتی کرنے والے لوگوں کو گرفتار کرنے کا بھروسہ دلایا۔
