اے ایم یو کے یو جی سی- ایچ آر ڈی کی ڈائریکٹر ڈاکٹر فائزہ عباسی نے خوشی کا اظہار کرتے ہوئے کہا کہ یہ باعث مسرت ہے کہ ہمارا اکیڈمی اسٹاف کالج کے نام سے جانا جاتا تھا، جو اب اے ایم یو، یو جی سی - ایچ آر ڈی سنٹر AMU UGC HRD کے نام سے جانا جاتا ہے، کو ملک کے کل 66 سینٹرز میں سے دوسرا مقام حاصل ہوا ہے۔ ڈاکٹر فائزہ نے مزید بتایا کہ اے ایم یو کے یو جی سی- ایچ اے ڈی سینٹر یو جی سی کے ماتحت اداروں کی نگرانی کے لیے قائم کمیٹی کی جانب سے سنہ 2015 سے 2019 کی مدت کے دوران 66 ایچ آر ڈی سینٹرز کی کارکردگی کے جائزے کی بنیاد پر دوسرا سب سے ممتاز سینٹر قرار دیا گیا ہے۔
یہ بھی پڑھیں:
AMU Got Second Place in Energy Conservation: اے ایم یو کو توانائی کے تحفظ میں دوسرا مقام
اپنے پروگرامز کے ذریعے ہم اساتذہ کو اعلی تعلیم کے بڑھتے ہوئے چیلنجوں کا مقابلہ کرنے اور آنے والی نسلوں کے لیے رول ماڈل بننے کے لیے ضروری تربیت سے آراستہ کرتے ہیں۔ اے ایم یو کے وائس چانسلر پروفیسر طارق منصور نے اس کامیابی پر مبارکباد پیش کرتے ہوئے کہا کہ اے ایم یو نے مسلسل تعلیمی امتیاز کا مظاہرہ کیا۔ سنٹر کے تربیتی پروگرام تدریسی پیشے کے بنیادی اقدار میں اضافہ کرتے ہیں۔' واضح رہے کہ اکیڈمک اسٹاف کالج کے نام سے معروف یہ سنٹر اساتذہ کو تربیت فراہم کرتا ہے۔ یہ یونیورسٹیوں اور کالجز میں تعینات ہونے والے نئے اساتذہ کے لئے قومی اقدار اور جدید ترین موضوعات پر مبنی تربیتی کورسوں کا انعقاد کرتا ہے۔ AMU UGC HRD Got Second Place
