اترپردیش کے علی گڑھ میں اے ایم یو کے ک ڈاکٹروں کی حفاظت کے لیے پی پی ای کٹس خریدنے کے لیے ڈھائی لاکھ روپے کا عطیہ کیا گیا ہے۔
اقبال احمد خان (سی ای او، فجر کیپٹل، دبئی) کی جانب سے دو لاکھ روپے کا چیک ان کے بھائی طاہر کبیر نے وائس چانسلر پروفیسر طارق منصور کو پیش کیا۔
اس موقع پر اے ایم یو کے فائنانس افسر پروفیسر ایس ایم جاوید اختر اور سابق ایم ایل اے وویک بنسل بھی موجود تھے۔
دوسری جانب اے ایم یو کے شعبہ کمپیوٹر سائنس کے پروفیسر رفیق الزمان خان نے اپنے والد مرحوم جناب عبدالستار خان کے یاد میں 50 ہزار روپے کا عطیہ پیش کیا ہے۔
وائس چانسلر پروفیسر طارق منصور نے دونوں عطیہ دہندگان اقبال احمد خاں اور پروفیسر رفیق الزماں خاں کا اس کار خیر کے لیے تہہ دل سے شکریہ ادا کیا۔
