ملک بھر سے کل 44407 طلبہ نے داخلے کے لئے فارم پُر کئے۔ امتحان میں علیگڑھ کے علاوہ ملک کی دوسری ریاستوں کے سات اضلاع سے طلبہ شامل ہوئے۔
صبح 10 بجے سے گیارہویں کے سائنس کے پرچہ کا امتحان شروع ہوا جو 12 بجے ختم ہوا۔ اس کے لئے ملک بھر سے تقریباً 33,906 طلبہ نے درخواستیں دی تھیں۔
شام 4 بجے سے کامرس اور آرٹس کے گیارہویں درجے کا داخلہ امتحان شروع ہوا جو شام چھ بجے ختم ہوا۔ اس میں ملک بھر سے کل 9,501 طلبہ اور طالبات نے داخلے کیلئے فارم بھرا۔
یونیورسٹی میں کل 1,975 داخلے ہوں گے جس میں گیارہویں درجے کے لیے سائنس میں کل 900 داخلے ہونے ہیں اور آرٹس، کامرس میں 600 داخلے ہوں گے 475 داخلے ڈپلومہ میں ہوں گے۔ سیلف فائنینس کے لیے داخلے سیٹ الگ سے مقرر ہیں۔
علیگڑھ مسلم یونیورسٹی اور علیگڑھ کی دیگر فلاحی تنظیموں کی جانب سے یونیورسٹی اور علیگڑھ کے دیگر مقامات پر ہیلتھ کیمپ کا انعقاد کیا گیا جس میں ملک بھر سے آئے ہوئے طلباء اور ان کے والدین کو امتحان کے مرکز اور مرکز کے راستے میں ٹھنڈے پانی اور مشروبات کا انتظام کیا گیا تھا۔
علیگڑھ مسلم یونیورسٹی میں پچھلے پندرہ دنوں سے پی ایچ ڈی کے داخلے کے لیے یونیورسٹی انتظامیہ کیٹ کے پاس دھرنے پر بیٹھے طلباء اور طالبات نے بھی آج گیارہویں درجے کے امتحان دینے کے لیے طلبہ وطالبات اور والدین کے لئے ٹھنڈا پانی مہیا کرایا۔
