کورونا وائرس سے لوگوں کے دلوں میں بیٹھی دہشت نے مرغ کے کاروبار بالکل ہی کم کردیا ہے اور اس وائرس نے کہیں نہ کہیں عوام کو مرغ سے دوری بنانے پر مجبور کردیا ہے جس کی وجہ سے مرغ کا کاروبار اب صرف 30 فیصد رہ گیا ہے۔
گزشتہ چند دنوں قبل ہی بازار میں مرغ کی قیمت 150 تا 160 روپے کلو فی گرام تھی لیکن اب اس کی قیمت محض 50 تا 60 روپے کلو فی گرام ہے جس کی وجہ سے مرغ کا کاروبار کرنے والوں شدید نقصان برداشت کرنا پڑرہا ہے کیونکہ اب بازار بالکل سنسان نظر آرہے ہیں۔
جب کہ یہ بھی کہا جارہا ہے کہ کہ مرغ اور مچھلی کو کھانے سے کورونا وائرس نہیں پھیلتا لیکن مرغ اور مچھلی وغیرہ بناتے وقت کافی صفائی اور احتیاط برتی جائے۔
ضلع علی گڑھ کے مچھلی بازار رسل گنج کے مرغ کاروباری محمد وحید نے بتایا مرغ اتنا سستا بک رہا ہے مفت کے بطور اس کو پھینکنے کی نوبت آگئی ہے۔ اس میں کوئی بیماری نہیں ہے اور دکان داری بالکل ختم ہو چکی ہے۔
مچھلی کاروباری محمد سلیم نے بتایا اس کام کو کرتے ہوئے انھیں تقریباً 30 سال ہوگئے لیکن اس سے قبل اس طرح کی مندی انھوں نے نہیں دیکھی کیونکہ کورونا وائرس کی وجہ سے قیمتوں پر تو اتنا اثر پڑا ہے کہ اب مچھلی کی قیمت 20 روپے کلو فی گرام ہے پھر بھی کوئی خریدار نہیں ہے۔
