نوگاوا میں منعقد ہوئے انتخابی جلسہ میں کانگریس کے ریاستی صدر اجے کمار للو نے کسانوں کے مسائل کے ساتھ ساتھ بیروزگاری کا مسئلہ بھی اٹھایا اور حکومت پر سخت تنقید کی۔
ضلع امروہہ کے حلقہ اسمبلی نوگاوا سادات میں ضمنی انتخابات میں ہو رہے ہیں جبکہ یہ نشست سابق وزیر و بین الاقوامی کرکٹر چیتن چوہان کی وفات کے بعد خالی تھی۔ اس حلقہ سے کانگریس کی امیدوار کملیش سنگھ مقابلہ کر رہی ہیں۔
اجے کمار للو نے نوگاوا میں کملیش سنگھ کی تائید میں انتخابی مہم میں حصہ لیا۔ یہاں منعقد ہوئے انتخابی جلسہ میں انہوں نے کسانوں اور بیروزگاروں کے مسائل کو حل کرنے کا حکومت سے مطالبہ کیا اور حکومت کو سخت تنقید کا نشانہ بنایا۔
اس موقع پر اجے کمار للو نے صحافیوں سے بات کرتے ہوئے کہا کہ بھارتیہ جنتا پارٹی کی حکومت میں کسان پریشان ہیں، کسانوں کے واجبات نہیں دیئے جارہے ہیں، اسی طرح دھان کے خریداری مراکز میں بھی دھان کی خریداری نہیں ہو رہی ہے۔ انہوں نے کاہ کہ عوام پریشان ہے اور بجلی کے نام پر عوام کو لوٹا جارہا ہے۔
انہوں نے مزید کہا کہ ریاست کے وزیراعلی اور بی جے پی حکومت قانون بنانے میں مصروف ہے اور ان کے ایم ایل اے قانون توڑنے کا کام کر رہے ہیں۔
اجے کمار لالو نے کہا کہ کانگریس پارٹی لا اینڈ آرڈر کو مسئلہ بنا کر عوام کے سامنے آئی ہے جبکہ کانگریس کارکن لاٹھی کھانے کے باوجود عوام کے ساتھ ہیں۔ انہوں نے عوام کو کانگریس کے حق میں اپنے ووٹ کا استعمال کرنے کا مشورہ دیا۔
