ریاست اترپردیش کے ضلع گوتم بدھ نگر میں فضائی آلودگی کی روک تھام کے لیے مختلف جامع آگاہی پروگرام منعقد کیے جارہے ہیں۔ اس تناظر میں محکمہ زراعت کی طرف سے ایک نئی پہل شروع کی گئی ہے۔
کاشتکاروں کو فصلوں کی باقیات نہ جلانے کے حوالے سے آگاہ کرنے کے لیے چیف ڈیولپمنٹ آفیسر انیل کمار سنگھ نے وکاس بھون سے دو پروموشنل گاڑیوں کو گرین سگنل دکھاکر روانہ کیا۔
یہ بھی پڑھیں: دیوالی کے سازوسامان تیار کرنے والا مسلم خاندان مالی بحران سے دوچار
یہ گاڑی ضلع کے دیہی علاقوں میں کاشتکاروں اور کسانوں کو پرالی جلانے کے نقصانات اور اس کے خلاف کارروائی سے آگاہ کریں گی۔
بھوسہ سے پیدا ہونے والی فضائی آلودگی کے بارے میں ایک آڈیو ٹیپ بھی جاری کی گئی ہے۔ جس کا استعمال پروموشنل گاڑیوں کے ذریعہ ضلع کے تمام کاشتکار کو بیدار کرنے کے لیے کیا جائے گا۔ تاکہ وہ اپنے کھیتوں میں بھوسہ نہ جلائیں اور فضائی آلودگی کی روک تھام میں ضلعی انتظامیہ کو تعاون فراہم کریں۔
