اتر پردیش کے آگرہ شہر میں گزشتہ 21 جون سے لاپتہ شیت گرہ کے مالک کے اکلوتے بیٹے کے معاملے میں پولیس نے بڑا خلاصہ کیا ہے۔ پولیس نے بتایا کہ نوجوان کا اغوا کر موت کی نیند سلا دیا گیا۔ یہی نہی پولیس سے بچنے کے لئے ملزموں نے لاش کو پی پی ای کٹ میں رکھ کر بلکیشور گھاٹ پر جلا دیا۔
دراصل معاملے میں پولیس کو اتوار کی دیر رات اہم سراغ ملے تھے، جس کے بعد پانچ ملزموں کو گرفتار کرکے پوچھ تاچھ کی گئی۔ معاملہ ہفتہ وصولی سے جُڑا ہوا ہے۔ اس واردات میں شہر کے ایک بڑے کاروباری کا لڑکا بھی شامل ہیں۔
معلوم ہوکہ شیت گرہ سوامی چوہان کا اکلوتا بیٹا سچن چوہان (25) تھانہ نیئو آگرہ علاقے کے دیال باغ سے 21 جون کو لاپتہ ہوگیا تھا۔ سچن اپنی ماں سے باہر گھومنے کی بات کہہ کر گھر سے نکلا تھا لیکن وہ واپس گھر نہیں لوٹ سکا۔
مزید پڑھیں: رامپور: کار نالے میں گری، چار افراد ہلاک
پولیس کے مطابق گرفتار کیے گئے لوگوں سے پوچھ تاچھ میں اس بات کا خلاصہ ہوا ہے کہ سچن کو ہفتہ وصولی کے لئے ان کے دوستوں نے اغوا کیا تھا، لیکن سچن نے اپنے دوست کو پہنچان لیا تھا۔ معاملے کا خلاصہ ہونے کے ڈر سے سچن کا گلا دباکر قتل کردیا گیا اور لاش کو پی پی ای کٹ میں رکھ کر بلکیشور گھاٹ کے نزدیک جلا دیا گیا۔ اس سلسلہ میں پولیس ملزموں کی نشاندہی پر جگہ جگہ چھاپہ ماری کررہی ہے۔
