شیعہ وقف بورڈ کے سابق چیئرمن وسیم رضوی نے قرآن سے 26 آیتوں کو نکالنے کے لیے سپریم کورٹ میں ایک عرضی دائر کی ہے جس سے متعلق مسلمانوں میں کافی غصہ پایا جارہا ہے۔
اس سے قبل وشو ہندو پریشد کے سابق سربراہ اشوک سنگھل نے بھی ایک انٹرویو کے دوران اسی طرح کا بیان دیا تھا جس سے متعلق علی گڑھ کے ایڈوکیٹ خورشید الرحمان شیروانی نے اشوک سنگھل کے خلاف کورٹ میں کیس درج کیا تھا، اس معاملے میں سنہ 2005 میں علی گڑھ کے سی جے ایم کورٹ میں اشوک سنگھل کو پیش ہونا پڑا تھا حالانکہ اس معاملے کی شنوائی مکمل ہونے سے قبل ہی اشوک سنگھل کا انتقال ہوگیا تھا اور اس معاملے میں کوئی فیصلہ نہیں ہوسکا۔
ایڈوکیٹ خورشیدالرحمان شیروانی اب وسیم رضوی کے خلاف کورٹ جانے کی تیاری میں ہے، انہوں نے بتایا کہ سنہ 1978 میں کلکتہ ہائی کورٹ میں چندنمل چوپڑا ورسیز یونین آف انڈیا معاملے میں پورے قرآن مجید پر پابندی عائد کرنے کی کوشش کی گئی تھی، تب جسٹس چٹوپادھئے نے شنوائی کرتے ہوئے کہا تھا کہ گیتا، قرآن، بائبل جیسے مذہبی سلسلے میں کوئی تبصرہ نہیں کیا جا سکتا۔ کلکتہ ہائی کورٹ کے اس فیصلے کے خلاف کوئی بھی اپیل سپریم کورٹ میں داخل نہیں کی گئی تھی۔
خورشید الرحمان کا کہنا ہے کہ وسیم رضوی کی طرف سے قرآن کے بارے میں سپریم کورٹ میں دائر درخواست میں سماعت کے دوران یہ دونوں نذیر کو کسی بھی طرح سے سپریم کورٹ بھیجیں گے۔ نیز سپریم کورٹ سے وسیم رضوی پر بھاری جرمانہ لگانے کا مطالبہ کریں گے، جس سے وسیم رضوی کے ایسے بیانوں پر پابندی لگائی جاسکے۔
