پرالی نہ جلانے اور کورونا سے بچاؤ کے لیے منادی

گوتم بدھ نگر کے دیہی عوام کو کورونا وائرس کے ساتھ ساتھ پرالی نہیں جلانے اور غلاظت کے حوالے سے آگاہی مہم کے تحت جانکاری فراہم کرنے کا عمل جاری ہے۔

ریاست اترپردیش کے ضلع نوئیڈا کے گوتم بدھ نگر میں پرالی نہ جلانے کے تحت بلاک دادری کے گرام پنچایت جرچہ میں منادی کے ذریعہ وسیع پیمانے پر تشہیر کی گئی۔

چیف ڈویلپمنٹ آفیسر انیل کمار سنگھ نے بتایا کہ پنچایت راج محکمہ کے توسط سے یہ پروگرام ضلع کے تمام دیہی علاقوں میں باقاعدگی سے چلایا جارہا ہے اور دیہی عوام کو آگاہ اور محتاط کرنے کے لئے کارروائی کی جارہی ہے تاکہ دیہی علاقوں کے تمام شہریوں کو کورونا وائرس کے انفیکشن اور پرالی جلانے سے ہونے والی بیماریوں اور نقصانات سے تحفظ فراہم کیا جا سکے۔