امروہہ: لینڈ مافیاؤں کے خلاف پولیس کی کارروائی

ضلع امروہہ کے تحصیل منڈی دھنورا علاقے کے گنگا کھادر میں ایس ڈی ایم کی ہدایت پر پولیس محکمہ نے ساڑھے تین سو بیگھا سرکاری اراضی کو آزاد کرا لیا ہے۔

ریاست اترپردیش کے امروہہ ضلع کی تحصیل منڈی دھنورا کے گاؤں درا نگر اتمالی، بھوگ پور اور گلالپور میں، لینڈ مافیا، ساڑھے تین سو بیگھا سرکاری اراضی پر غیر قانونی طور سے قبضہ کر کے فصل بوائی کی کوشش کر رہے تھے۔

اس دوران سرکاری اراضی پر قبضے کی اطلاع موصول ہونے پر ایس ڈی ایم وویک یادو کی سربراہی میں ٹیم نے چھاپہ ماری کی اور لینڈ مافیاؤں کے زیر قبضہ 350 بیگھا گرام سماج کی اراضی کو آزاد کرایا۔

موقع سے ملی ٹریکٹر ٹرالی کو پولیس نے قبضہ میں لے لیا اور غیر قانونی قبضہ کرنے والے لینڈ مافیاؤں کے خلاف اینٹی لینڈ مافیا ایکٹ کے تحت مقدمہ درج کرکے کارروائی شروع کر دی ہے۔