ایتھلیٹ کو گولی مار کر قتل کرنے والے گرفتار

ریاست اترپردیش کے ضلع سہانپور میں واقع ڈاکٹر بھیم راؤ امبیڈکر اسٹیڈیم میں پریکٹس کر رہے ایتھیلیٹ کو گولی مارنے والے دو ملزموں کو پولیس نے گرفتار کیا گیا ہے۔

ایس ایس پی دنیش کمار نے پریس سے مخاطب ہوتے ہوئے بتایا کی واٹس ایپ پر چیٹنگ کے دوران ہوئے جھگڑے میں یش پندیر نامی نوجوان کو گولی مار کر ملزمین سفید رنگ کی سفاری گاڑی میں فرار ہوگئے تھے۔

اسٹیڈیم میں موجود چند افراد نے یش کو فوری طور پر اسپتال داخل کریا جہاں ڈاکٹروں نے اسے مردہ قرار دے دیا۔

اس واردات میں شامل 7 لوگوں میں سے پولیس نے 2 افراد کو گرفتار کر لیا ہے جن کی شناخت موہت اور سوہن کے طور پر ہوئی ہے اور باقی 5 کی تلاش ابھی جاری ہے گرفتار ہوئے ملزموں سے فراری گاڑی اور پستول بھی برآمد کی گئی ہے۔