سینئر سپرنٹنڈنٹ آف پولیس دنیش کمار پی نے بتایا کہ گنگ داس پور گاؤں میں پانچ سالہ بچی کے ساتھ ستیش گرجر 45 سالہ نے منگل کو نازیبا حرکت کی تھی۔
وہیں بچی کو نازک حالت میں اہل خانہ نے پہلے دیوبند سرکاری ہسپتال میں داخل کرایا جہاں اسے ہائر سنٹر بھیج دیا گیا تھا۔ طبی معائنے میں جنسی زیادتی کی تصدیق ہوئی ہے۔ بچی کی حالت نازک ہے۔
اہل خانہ کی تحریر پر پولیس نے ستیش گرجر کے خلاف دفعہ 376 اور پوکسو ایکٹ کے تحت مقدمہ درج کیا ہے۔
پولیس نے واقعہ کے 24 گھنٹے کے اندر ملزم کو گرفتار کرلیا۔
ایس ایس پی نے بتایا کہ اس معاملے میں پولیس پوکسو ایکٹ میں چارج شیٹ داخل کر کے مقدمے کو تیزی سے نپٹارہ کرنے کی کوشش کرے گی۔
