اس موقع پر ڈھول باجے کے ساتھ عام آدمی پارٹی کے کارکنان رقص کرتے ہوئے نظر آئے، وہیں کبوتروں کو فضا میں اڑا کر نیک خواہشات کا اظہار کیا ہے۔
عام آدمی پارٹی کے ریاستی ترجمان مکیش سنگھ نے کہا کہ 'دہلی کے عوام نے کیجریوال کے ترقیاتی ماڈل پر ووٹ کیا ہے۔ اس ماڈل کا مطلب ایک قوم کی تعمیر، یہ سچی حب الوطنی ہے، دن رات تعلیم، صحت، بجلی، پانی وغیرہ جیسے امور پر لوگوں کی خدمت کرنا، دہلی کے عوام نے دکھایا کہ حب الوطنی کا کیا مطلب ہے۔ ہندو مسلم، بھارت ۔پاکستان اور نفرت انگیز سیاست کرنا حب الوطنی نہیں ہے۔'
مکیش نے مزید کہا کہ بی جے پی کے لوگوں نے ہنومان جی کی بہت توہین کی ہے۔ آج انہیں سزا مل گئی ہے۔
مکیش سنگھ نے اترپردیش کے عوام سے اپیل کیا ہے کہ وہ کام کے سبھی مسائل کو اپنے رہنما سے حل کرنے کو کہیں اور انہیں مسائل پر ووٹنگ کریں۔
انہوں نے کہا کہ اپنی حکومت سے کہو کہ اگر سرکاری اسکول، اسپتال ٹھیک نہیں ہوئے تو وہ ووٹ نہیں دیں گے۔ تب ہی ہمارا ملک بدلے گا۔
واضح رہے کہ 2014 کے پارلیمانی انتخابات میں عام آدمی کے پارٹی کے سربراہ اروند کیجریوال نے وارانسی حلقے سے نریندر مودی کے مقابلے میں انتخابات لڑا تھا لیکن انہیں شکست کا سامنا کرنا پڑا تھا۔
