اتر پردیش کے چار اضلاع میں کورونا سے بچاؤ کے لیے کام کر رہی بین الاقوامی سماجی تنظیم آغا خان فاؤنڈیشن نے بدھ کو کثیر تعداد میں ضروری اشیا انتظامیہ کو عطیہ کیا۔
آغا خان فاؤنڈیشن کی جانب سے ملی اس مدد کو انتظامیہ نے قابل ستائش قرار دیا اور امید ظاہر کی کہ اس سے ٹیکہ کاری کی مہم اور کووڈ-19 کی ممکنہ تیسری لہر میں بڑی مدد حاصل ہوگی۔
واضح رہے کہ ڈی آر ڈی اے میں چیگ ڈیولپمینٹ افسر ایکتا سنگھ کے دفتر میں آغا خان فاؤنڈیشن کے اہلکاروں نے انہیں کووڈ-19 سے بچاؤ کے لیے یہ تمام اشیا عطیہ کیں۔
اس میں 2 وینٹیلیٹر، 5 ڈی ٹائپ جمبو سلینڈر، 300 لیٹر سینیٹائزر، ٹیکہ کاری میں بیداری کے لیے ایک کینوپی اور 2 ساؤنڈ سسٹم، 400 عدد این-95 ماسک اور کثیر تعداد میں فیس شیلڈ شامل ہیں۔
آغا خان فاؤنڈیشن کے پروگرام افسر وویک اوستھی نے بتایا کہ ان کی تنظیم بارہ بنکی کے علاوہ سیتاپور، لکھنؤ اور بہرائچ میں بھی کا کام کر رہی ہے۔ انہوں نے بتایا کہ فاؤنڈیشن کا مقصد یہ ہے کہ عوام کو کووڈ-19 سے بچانا اور مشکل دور میں انہیں بہتر طبی سہولیات مہیا کرانا ہے۔
مزید پڑھیں:
وییں، سی ڈی او ایکتا سنگھ نے آغا فاؤنڈیشن کی سرگرمیوں کی تعریف کی اور امید ظاہر کی کہ اس سے ٹیکہ کاری اور ممکنہ تیسری کے دوران کافی فائدہ ہوگا۔
