ریاست اتر پردیش کے مرادآباد ایم ایچ ڈگری کالج کے آڈیٹوریم میں کلیان سمیتی کے زیر اہتمام سید محمد اشرف نازک سنبھلی کا مجموعۂ غزل آئینۂ ادراک کی کتاب کی رسم اجراء عمل میں آئی۔
پروگرام کی صدارت جامعہ ملیہ اسلامیہ نئی دلی کے پروفیسر سید کلیم اصغر نے کی۔ آئینۂ ادراک کی رسم اجرا کے موقع پر مہمان خصوصی کے طور پر ڈاکٹر محمد عابد حیدر اور اجراء بدست اتر پردیش اردو اکاڈمی کی سابق چیئرمین ترنم عقیل نے کیا۔
اس موقع پر ترنم عقیل نے ای ٹی وی بھارت اردو سے بات چیت کرتے ہوئے کہا کہ اردو ایک ادبی اور شائستہ زبان ہے۔ اردو میں کتابیں تو بہت لکھی جاتی ہیں لیکن اردو کی کتابوں کو پڑھنے والے لوگ بہت کم ہیں۔ اردو کو فروغ دینے کے لیے یہ ضروری ہے کہ اردو دانشوروں کے ذریعہ اردو بیداری پروگرام چلائے جائیں۔
یہ بھی پڑھیں: احمدآباد: شاہی جامع مسجد گجراتی طرز تعمیر کا شاہکار نمونہ
اس موقع پر پروفیسر سید کلیم اصغر نے کہا کہ شاعری ہمیں تحریک دیتی ہے، آگے بڑھنے کی، ہمارے جذبات کو ابھارتی اور نکھارتی ہے۔
