ریاست اترپردیش کے ضلع پرتاپ گڑھ میں جرائم دن بدن بڑھتے ہی جا رہے ہیں۔ یہاں پر ایک نوجوان گولی لگنے سے زخمی ہو گیا ہے۔
ایس ایچ او سنجے پانڈے نے بتایا کہ علاقے کے رام گڑھ گاؤں کا باشندہ رویندر کوری (27) کا الزام ہے کہ وہ بائک پر سوار بیٹی و اہلیہ کو لے کر دوا کے لیے ڈروا بازار گیا تھا جہاں واپس لوٹتے وقت بابو گنج روڈ پر انٹر کالج کے نزدیک پڑوسی گاؤں موتی کا پوروا کے نند لال تیواری نے اپنے ساتھیوں کے ساتھ مل کر روک لیا اور گولی مار دی۔
زخمی کو علاج کے لیے ضلع ہسپتال میں داخل کرا دیا گیا۔ میڈیکل رپورٹ موصول ہونے پر قانونی کارروائی کی جائے گی۔
