مہاراشٹر سے بہرائچ جارہا مزدروں سے بھرا ٹرک حادثے کا شکار

لاک ڈاؤن میں دوسری ریاستوں میں پھنسے مزدور کوئی سہولیات فراہم نہ ہونے کے سبب پیدل ہی ہزاروں کلو میٹر تک سفر طے کر رہے ہیں۔ کافی تعداد میں مزدور اپنے چھوٹے چھوٹے بچوں کے ساتھ پیدل چلنے پر مجبور ہیں۔

کچھ مزدور پیدل چل رہے ہیں تو کچھ ٹھیلا و ٹرک کے ذریعے اپنے آبائی گھر جا رہے ہیں۔ لاک ڈاؤن کے دوران ملک میں اب تک مزدوروں کے ساتھ کئی دردناک حادثات بھی پیش آئے ہیں، اس میں کئی مزدوروں نے اپنی جانیں بھی گنوائی ہیں۔

وہیں اترپردیش کے ضلع بہرائچ میں آج صبح مہاراشٹر سے آ رہے مزدوروں سے بھرا ٹرک بے قابو ہو کر درخت سے ٹکرا گیا۔

حادثے کا شکار ڈی سی ایم ٹرک کا نمبر،MH_03_PV_0429 ہے۔

وہیں اس ٹرک میں تقریباً 32 لوگ سوار تھے، جن میں سے سبھی زخمی ہو گئے تو وہیں ایک شخص کی علاج کے دوران موت بھی ہوگئی، باقی لوگوں کا علاج جاری ہے۔

مہاراشٹر سے بہرائچ جارہی مزدروں سے بھرا ٹرک حادثے کا شکار

ٹکر کی آواز سنتے ہی مقامی عوام فوراً مدد کو پہنچے اور لوگوں کو ٹرک سے باہر نکالنا شروع کیا۔

پولیس کو اطلاع ملتے ہی موقع پر پہنچ کر سبھی زخمیوں کو ضلع اسپتال منتقل کیا، جہاں ایک شخص کی علاج کے دوران موت ہوگئی۔ باقی زیرِ علاج ہیں۔

ان سبھی مزدوروں کے اہل خانہ کو خبر دے دی گئی ہے۔ موقع پر ایڈیشنل پولیس کپتان اربن اجے پرتاپ سنگھ، سرکل آفیسر قیصرگنج پہنچ کر حادثہ کی جگہ کا معائنہ کر زخمیوں کو اسپتال منتقل کروایا۔

پولیس کی مطابق یہ حادثہ بہرائچ لکھنؤ شاہراہ پر تھانہ فخرپور کے مدن کوٹھی کے قریب مہاراشٹر سے مزدوروں کو لیکر بہرائچ آرہی تھی کہ اچانک ٹرک بے قابو ہو گئی جس کے سبب داہینے طرف جا کر ایک پیڑ سے ٹکرا گئی۔