لاک ڈاؤن کی وجہ سے گجرات میں پھنسے اترپردیش کے 1200 مہاجر مزدوروں کو لیکر شرمک اسپیشل ٹرین جمعہ کے روز کاس گنج پہنچی۔ جہاں تمام مزدوروں کی تھرمل اسکریننگ کی گئی۔
اس کے بعد مقامی انتظامیہ نے تمام مزدوروں کو بس کے ذریعہ اپنے اضلاع روانہ کیا۔
عہدیداروں نے بتایا کہ مزدروں کی اسکریننگ کے بعد انہیں لنچ پیکٹ مہیا کرایا گیا اور مزدوروں کو ان کے اضلاع میں منتقل کرنے کے لئے 50 سے زائد بسیں لگائی گئی ہیں۔ ساتھ ہی متعلقہ اضلاع کے انتظامی افسران کو بھی اس بارے میں آگاہ کیا گیا ہے۔
وہیں مزدوروں نے بتایا کہ ہم اپنے پیسوں سے کرایہ دے کر آئے ہیں اور بچوں کا کرایہ بھی لیا گیا۔
احمد آباد سے کاس گنج جنکشن پہنچنے والے آگرہ کے رہائشی راج کمار شرما نے بتایا کہ ہم سے 500 روپے کرایہ لیا گیا ہے، جبکہ حکومت مزدوروں سے کرایہ نہ لینے کی بات کر رہی ہے۔
