ریاست اترپردیش کے ضلع مظفر نگر میں کورونا کے ایک ساتھ 93 نئے مثبت کیسز ملنے سے محکمہ صحت میں ہلچل مچ گئی۔ راحت و اطمینان کی بات یہ ہے کہ آج 35 مریض صحتیاب بھی ہوئے ہیں۔ اس طرح سے ضلع میں کورونا مثبت مریضوں کی تعداد 841 رہ گئی ہے۔
ضلع مظفر نگر میں اب تک 28 کورونا مثبت افراد کی موت بھی ہو چکی ہے۔
ضلع میں کورونا کیسز مسلسل بڑھ رہے ہیں۔ آج جو رپورٹ موصول ہوئی ہے اس کے مطابق 96 مثبت کیسز پائے گئے ہیں اور دیگر تمام رپورٹیں منفی آئی ہیں۔
بتا دیں کہ سبھی مریضوں کو بیگراج پور میڈیکل کالج مظفر نگر کے آئسولیشن وارڈ میں داخل کرایا گیا ہے۔ میڈیکل کالج کے ڈاکٹروں کی ٹیم پہلے ہی تقریبا 1601 کے قریب متاثرہ افراد کو ٹھیک کر گھر بھیج چکی ہے۔ اس کی جانکاری ضلع مجسٹریٹ سیلوا کماری جے نے اپنے ٹوئٹر اکاؤنٹ پر ٹوئٹ کر کے دی۔
