ریاستی محکمہ صحت کے ذریعہ پیر کی شام جاری کردہ اعداد و شمار کے مطابق ، گزشتہ 24 گھنٹوں کے دوران گوتم بودھ نگر میں 90 افراد کو کورونا وائرس انفیکشن ہونے کی تصدیق ہوئی ہے۔ اس کے ساتھ ہی متاثرہ مریضوں کی کل تعداد 3495 ہوگئی ہے۔ یہ ایک تسلی بخش خبر ہے کہ گزشتہ 24 گھنٹوں کے دوران کسی کی موت نہیں ہوئی ہے۔ ضلع میں وبا کی وجہ سے اب تک 33 افراد ہلاک ہوچکے ہیں۔
گوتم بودھ نگر ضلع کی انتظامیہ کے لیے یہ بڑی راحت کی بات ہے کہ ہر روز متاثرہ افراد کورونا کو شکست دے کر اپنے گھروں کو لوٹ رہے ہیں۔24 گھنٹوں میں 106 افراد نے کورونا کو شکست دی ہے ۔ اس کے ساتھ ہی ، ضلع میں صحتیاب ہونے والوں کی تعداد 2590 ہوگئی ہے۔ جبکہ اس وقت نوئیڈا اور گریٹر نوئیڈا کے مختلف کوویڈ اسپتالوں میں 872 افراد زیر علاج ہیں۔
