ریاست اترپردیش کے ضلع گوتم بدھ نگر میں شہر گریٹر نوئیڈا کے لک سر گاؤں میں واقع اوپو کمپنی میں چھ ملازمین کی کورونا وائرس کی رپورٹ مثبت آئی ہے۔ جس کے بعد کمپنی میں موبائل بنانے کے کام پر مکمل طور پر پابندی عائد کر دی گئی ہے۔
اوپو کمپنی کے چھ ملازمین میں کورونا کی تصدیق
بتا دیں کہ کورونا وائرس کی وجہ سے نافذ لاک ڈاؤن کے دوران کسی بھی کمپنی کو کھولنے کی اجازت نہیں تھی۔ لیکن نو مئی کو نئی گائڈلائن آنے کے بعد سے اوپو کمپنی میں کام دوبارہ سے شروع کیا گیا تھا۔ لیکن کمپنی کے ملازمین کی مثبت رپورٹ کی وجہ سے کمپنی کا کام روک دیا گیا ہے۔
کمپنی میں صحت عملہ کے ذریعہ سینیٹائزیشن کا کام جاری ہے۔ بتا دیں کہ اس کمپنی میں 5000 کے قریب ملازمین کام کرتے ہیں۔ جس کے بعد تمام ملازمین کی جانچ کی جا رہی ہے اور کمپنی میں سینیٹائزیشن کا کام شروع کردیا گیا ہے۔
