حادثے میں ہلاک ہوئے مسافروں کا تعلق دیوریا اور بستی سے ہے۔ حادثے کا شکار بس کانپور سے چل کر بستی کے لیے جا رہی تھی۔
سی او رودولی دھرمیندر یادو نے بتایا کہ کانپور سے محکمہ ٹرانسپورٹ کی دو بسیں ایک ساتھ بستی کے لیے روانہ ہوئی تھیں۔ دونوں بسیں آگے پیچھے چل رہی تھیں۔ رودولی علاقے کے روجا گاؤں فلائی اوور پر ایک ڈی سی ایم نے بس میں پیچھے سے ٹکر مار دی۔ جس کے بعد بس ڈرائیور نے بس روک کر یہ دیکھنے کی کوشش کی بس میں کوئی نقصان تو نہیں ہوا ہے۔ آگے کی بس کو کھڑی دیکھ کر پیچھے سے آ رہی روڈ ویز کی دوسری بس بھی فلائی اوور پر ہی رک گئی۔
اس بیچ تیز رفتار آ رہے ٹریلر نے بس کو پیچھے سے ٹکر مار دی۔ اس حادثے میں بس کے نیچے کھڑے مسافر حادثے کا شکار ہوگئے۔ جس میں 8 مسافر شدید طور پر زخمی ہو گئے، جس میں سے چھ کی موت ہو گئی اور دو کا علاج ضلع ہسپتال میں چل رہا ہے۔
اس دل دوز سڑک حادثے میں مارے گئے لوگوں میں دھننجے وشوکرما ولد سندر وشوکرما 29 سال باشندہ بھاٹپار رانی دیوریا، ابھیشیک کمار شکلا ولد پون کمار شکلا(21) باشندہ نگر بازار بستی، اوم پرکاش شکلا ولد جگدمبا پرساد(48) ہریا بستی، ونود کمار ولد اکشےور پرساد(38) منڈیروا بستی سمیت 35 اور 40 سال کے دو نامعلوم شخص شامل ہیں۔
مزید پڑھیں:
گوالیئر سڑک حادثے میں 13 ہلاک، تین لوگ زخمی
وہیں زخمیوں میں رام جیون یادو(35) کپتان گنج ضلع بستی اور راجکمار ولد صاحب دن(42) بستی کا علاج ضلع ہسپتال میں چل رہا ہے۔
