اترپردیش میں کورونا وائرس سے متاثر مریضوں کی تعداد میں مسلسل اضافہ ہوتا جا رہا ہے۔ یو پی میں 3,561 نئے معاملے سامنے آئے ہیں۔ وہیں اس مہلک وبا سے 47 لوگوں کی موت بھی ہوچکی ہے۔
لکھنؤ میں آج 529 مثبت کیسز پائے گئے ہیں۔ ساتھ ہی 3 لوگوں کی موت بھی ہوئی ہے۔ لکھنؤ میں مریضوں کی تعداد 56,250 جبکہ 49,954 صحتیاب ہوئے اور 747 لوگوں کی موت ہوئی۔
اترپردیش میں فعال کیسز کی بات کریں تو سب سے زیادہ لکھنؤ میں 5,549 کیسز ہیں۔ راحت کی بات یہ ہے کہ اب شہر میں کورونا مثبت کیسز کم نکل رہے ہیں۔
گزشتہ کچھ روز سے کورونا متاثر مریضوں کی تعداد میں کمی دیکھنے کو مل رہی ہے حالانکہ ابھی بھی لکھنؤ میں دیگر اضلاع کے مقابلے زیادہ مثبت کیسز نکل رہے ہیں۔
