بنارس میں کورونا وائرس کے بڑھنے کا سلسلہ بدستور جاری ہے۔ تمام احتیاطی تدابیر ہدایات کے ساتھ ساتھ لوگوں کے بلا ضرورت گھروں سے باہر نکلنے پر 31 جولائی تک پابندی عائد کردی گئی ہے۔
آفیشیل ذرائع نے منگل کو بتایا کہ آج بی ایچ یو لیب سے موصول رپورٹ میں 50 افراد میں کورونا وائرس کی تصدیق ہوئی ہے۔ ضلع میں مجموعی 1436 متاثرین میں سے 588 مکمل طور سے شفایاب ہوکر اپنے گھروں کو جاچکے ہیں جبکہ 814 کا علاج ہنوز جاری ہے۔
کورونا وائرس کے معاملات میں لگاتار اضافہ ہوتا دیکھ ضلع انتظامیہ نے 31 جولائی تک بلاضرورت گھروں سے باہر نکلنےپر پابندی لگا دی ہے اور جاری ہدایت پر پوری سختی سے عمل آوری کو یقینی بنایا جارہا ہے۔
لا مجسٹریٹ نے بھی اپنے اختیارات کا استعمال کرتے ہوئے کئی طرح کی پابندیوں کا حکم جاری کیا ہے۔
