ریاست اترپردیش کے ضلع علی گڑھ میں ایس پی ٹریفک سمیت 50 افراد کی کورونا رپورٹ مثبت آئی ہے۔ جس کے بعد متاثرین کی تعداد 8649 تک پہنچ گئی ہے، جس میں اب تک 62 اموات اور 851 ایکٹیو کیسز شامل ہیں۔
علیگڑھ میں بھی کورونا متاثرین افراد کی تعداد مسلسل اضافہ ہو رہا ہے، جس کی وجہ سے لوگوں میں خوف و ہراس ہے۔
گزشتہ 24 گھنٹوں میں اے ایم یو کے جواہر لعل نہرو میڈیکل کالج سمیت سرکاری اور پرائیویٹ لیبز سے 50 افراد میں کورونا کی تصدیق ہوئی ہے۔
علیگڑھ میں آج دوپہر 12 بجے تک کورونا وائرس سے متاثرین کی تعداد 8649 تک پہنچ گئی تھی، جس میں 62 لوگوں ہلاک ہوئے ہیں۔
واضح رہے کہ 7763 صحتیاب اور 851 ایکٹیو کیسز اب بھی موجود ہیں، تاہم ضلع علی گڑھ کے لوگوں کے لیے راحت کی خبر یہ ہے کہ تقریباً 84.44 فیصد متاثرین صحتیاب ہوچکے ہیں۔
علی گڑھ ڈی ایم چند بھوشن سنگھ نے ایک بار پھر عوام سے اپیل کی ہے کہ وہ اپنے گھروں میں محفوظ رہیں ضرورت پر ہی گھر سے باہر نکلیں۔
