مہاتما گاندھی کاشی یونیورسٹی میں طلباء یونین کے انتخابات کے لیے آج ووٹ ڈالے گئے۔ دوپہر 2 بجے ووٹنگ کا عمل مکمل ہوگیا اور مجموعی طور پر 47.38 فیصد پولنگ ریکارڈ کی گئی۔
کاشی ودیا پیٹھ یونیورسٹی طلبا یونین انتخابات میں 47.38 فیصد پولنگ
ووٹنگ کا عمل مکمل ہونے کے ساتھ ہی رائے شماری کا آغاز ہوگیا۔ شام 5 بجے تک نتائج کے اعلان کا امکان ہے۔ کیمپس میں امن و امان برقرار رکھنے کے لیے یونیورسٹی و ضلع انتظامیہ کی جانب سے سیکورٹی کے سخت انتظامات کیے گئے ہیں۔ کیمپس میں تقریباً ایک ہزار اہلکاروں کو تعینات کیا گیا جبکہ پولیس کے اعلیٰ عہدیدار بھی موقع پر موجود ہیں۔
اس کے علاوہ یونیورسٹی میں مختلف مقامات پر بیریکیڈ لگائے گئے ہیں تاکہ کسی بھی ناخوشگوار صورت حال سے فوری طور پر نمٹا جاسکے۔ مختلف مقامات ویڈیو گرافی بھی کی جارہی ہے۔
