ریاست اتر پردیش کے بارہ بنکی ضلع میں محکمۂ ڈاک کی جانب سے آزادی کا امرت مہوتسو کے تحت منعقد کیے گئے 20 روزہ پوسٹ کارڈ تحریر مقابلے Barabanki Postcard Writing Compettion میں ضلع کے 105 اسکول کے 40 ہزار سے زیادہ طلباء کو وزیراعظم نریندر مودی کو خط لکھنے کا موقع ملا Barabanki Students Writes letter to PM Modi ہے۔ طلبا میں لکھنے کی صلاحیت کو ابھارنے اور ان میں قوت فکر کو پختہ کرنے کے مقصد سے اس طرح کے مقابلہ کا انعقاد کیا گیا ہے۔ یہ طلبا وزیراعظم کو جنگ آزادی کی ان ہستیوں کے بارے میں بتائیں گے، جن کے بارے میں بہت کم لوگوں کو جانکاری ہے۔ اس کے علاوہ طلبا خط میں بھارت کے مستبقل کو کس طرح دیکھتے ہیں، اس تصور کا ذکر بھی خط میں کریں گے۔
واضح رہے کہ آزادی کے امرت مہوتسو کے تحت محکمے ڈاک نے طلباء کے لئے پوسٹ کارڈ تحریر مقابلہ منعقد کیا گیا تھا۔ 1 دسمبر سے 20 دسمبر تک چلے اس مقابلے میں طلباء کو جنگ آزادی کے ان ہستیوں کے بارے میں بتانا تھا جو کہیں وجوہات سے سامنے نہیں آ پائے ہیں۔ ساتھ ہی انہیں یہ بھی بتانا تھا کہ 2047 کا بھارت کس طرح کا ہوگا۔ محکمے ڈاک نے اس مقابلے کے لئے ضلع کے 105 اسکولوں میں 40200 پوسٹ بھیجے تھے۔ ان اسکولوں سے بہترین ترین 10 پوسٹ کارڈ اسکول انتظامیہ کے ذریعہ وزیراعظم کو بھیجے جائیں گے۔ باقی تمام پوسٹ کارڈ بذریعے ڈاک بھیجے جائیں گے۔
مقابلے میں پہلا مقام حاصل کرنے والے طلب علم کو وزیراعظم نریندر مودی سے ملاقات کا شرف حاصل ہوگا۔ محکمے ڈاک کے مطابق مقابلے کے نتائج مثبت ہیں اور انہیں امید ہے کہ 40 ہزار سے زیادہ طلباء دونوں موضوع پر پوسٹ کارڈ تحریر کر کے بھیجیں گے۔ دوسری جانب اسکول انتظامیہ بھی اس مقابلے کو بہتر قرار دے رہے ہیں۔ ان کا ماننا ہے کہ اس سے طلباء کو دوہرا فائدہ ہوگا۔
