ریاست مغربی بنگال میں کورونا وائرس کے کیسز میں زبردست اضافہ ہوا ہے، گزشتہ 24 گھنٹے کے دوران تین ہزار 771 کیسز سامنے آئے ہیں ہیں، اس دوران کولکاتا اور اس کے اطراف میں کل 51 لوگوں کی موت ہوئی ہے۔
ریاستی محکمہ صحت کے مطابق گزشتہ تین دنوں میں آج سب سے زیادہ مریضوں کی تعداد میں اضافہ درج کیا گیا ہے۔
محکمے نے کہا کہ گزشتہ 24 گھنٹے کے دوران 51 لوگوں کی موت ہوئی ہے، اس طرح بنگال میں مرنے والوں کی کل تعداد پانچ ہزار 132 ہوگئی ہے۔
محکمے صحت نے کہا کہ ریاست میں صحتیاب ہونے والے لوگوں کی کل تعداد 32 ہزار پانچ سو سے زائد ہے، لیکن تشویش کی بات یہ ہے کہ نئے معاملات میں اضافہ جاری ہے۔
محکمہ صحت کے مطابق آنے والے دنوں میں مریضوں کی تعداد میں مزید اضافہ ہونے کا خدشہ ہے۔
مغربی بنگال میں ان دنوں تہوار کا سیزن ہے، ماہرین کی ٹیم پہلے ہی وارننگ دے چکی ہے کہ کورونا وائرس کے مریضوں میں ریکارڈ اضافہ ہونے والا ہے۔
ماہرین نے مزید کہا کہ اگر احتیاطی تدابیر پر عمل نہیں کیا گیا تو نتیجہ اور تشویش ناک ہوسکتا ہے۔
